{"id":618,"date":"2020-02-25T03:23:17","date_gmt":"2020-02-25T07:23:17","guid":{"rendered":"https:\/\/leerorkestbonaire.org\/?p=618"},"modified":"2020-09-09T08:46:53","modified_gmt":"2020-09-09T12:46:53","slug":"e-prome-orkesta-pa-mucha-na-boneiru-a-ranka-sali","status":"publish","type":"post","link":"https:\/\/leerorkestbonaire.org\/pap\/e-prome-orkesta-pa-mucha-na-boneiru-a-ranka-sali\/","title":{"rendered":"E prom\u00e9 Orkesta pa Mucha na Boneiru a ranka sali!"},"content":{"rendered":"

Komunikado di prensa. Fin di yan\u00fcari e prom\u00e9 orkesta pa mucha na Boneiru a kumins\u00e1 na Kolegio San Luis Bertran na Rincon. Orkesta pa Mucha ta un konsepto na Hulanda ku ta funshon\u00e1 eksit\u00f3samente pa 15 a\u00f1a kaba na diferente skol b\u00e1siko den diferente suidat. E \u00faltimo a\u00f1anan a lanta orkestanan pa mucha na K\u00f2rsou i Aruba.<\/strong><\/p>\n

Ku un orkesta pa mucha e muchanan na skol b\u00e1siko ta ha\u00f1a e oportunidat pa deskubr\u00ed kon dushi i m\u00e1giko ta pa toka un instrum\u00e8nt musikal i toka huntu. E vishon ku ta represent\u00e1 e Orkesta pa Mucha ta: demokratis\u00e1 edukashon musikal. Inisiad\u00f3 i direktor Marco de Souza ta konta:\u2019Nos ta ha\u00f1a ku muzik ta pa tur hende. Pero edukashon musikal ta asina organis\u00e1, ku e ta dif\u00edsil asesibel i kostoso. Nos ke s\u00f2ru pa asesibilidat bira hopi mas f\u00e1sil, di manera ku muchanan den posishonnan desfaborabel tambe tin e oportunidat pa si\u00f1a toka.\u2019<\/p>\n

Banda di si\u00f1a toka un instrum\u00e8nt musikal, ta sient\u00edfikamente prob\u00e1 ku tokamentu huntu tin efekto positivo riba inteligensia i abilidatnan sosial di mucha. E efekto aki ta krese pasobra tokamentu tin efekto positivo i stimulante riba konekshonnan neuronal den nos selebre. Muchanan ku ta toka huntu ta si\u00f1a traha huntu, ta konta ku otro, skucha otro, warda riba otro i hopi mas. Pa e motibu aki Ministerio di Seguridat di Hulanda a pone un supsidio inisial disponibel pa realisashon di un Orkesta pa Mucha na Boneiru. Nan ta kere prinsipalmentu ku mas aktividat positivo organis\u00e1 pa e muchanan, mas oportunidat bo ta krea pa deskubr\u00ed nan talentonan i m\u00e9nos nan ta bai f\u00e8rfel\u00e1 nan mes. Meskos ku deporte, tokamentu ta hasi mucha mas fuerte i mas felis. P\u2019esei nan ta mas resistente i esei ta pone un bon base pa nan futuro.<\/p>\n

Fundashon Orkesta pa Mucha Hulanda a aserk\u00e1 Fundashon Mangazina di Rei pa ehekushon di e proyekto piloto di Orkesta pa Mucha na Bonieru. Pa algun a\u00f1a kaba Mangazina di Rei ta kompromet\u00e9 su mes ku stimul\u00e1 ekspreshon kreativo i formashon kultural i sosial pa medio di aktividatnan kultural (musikal) pa mucha i h\u00f3ben. Ku e fin aki e fundashon tin e proyekto Talento Kultural pa algun a\u00f1a kaminda nan ta eduk\u00e1 mucha i h\u00f3ben den muzik i baile kultural. Mangazina di Rei ta ha\u00f1a e orkesta pa mucha un atkisishon importante pa e muchanan di Rincon.<\/p>\n

Tur mucha di grupo 5 t\/k 7 di Kolegio San Luis Bertran ta ha\u00f1a dos ora di l\u00e8s di kanto pa siman, formashon musikal general i l\u00e8s di muzik di dosentenan di muzik profeshonal. Nos ta papia di e instrum\u00e8ntnan: duarsfl\u00f9it, klarin\u00e8t,tr\u00f2mp\u00e8t, trombon, korneta, kontrabas i perkushon. Dennis Aalse (dirigente di e orkesta hubenil na K\u00f2rsou i tambe dosente di muzik na Orkesta pa Mucha K\u00f2rsou), Chaira Borderslee (kantante i dosente di kanto), Victor Felida ( trompetista i dosente di tr\u00f2mp\u00e8t), Franky Yanga (bahista i dosente di kontrabas), Vivian Wensink (dosente di duarsfl\u00f9it) i Gonsalvo Goeloe (perkushon) ta duna e l\u00e8snan.<\/p>\n

E muchanan lo traha pa yega na un presentashon na final di a\u00f1a eskolar.<\/p>\n

E intenshon ta pa hasi e proyekto piloto un gran \u00e9ksito, di manera ku por lanta un orkesta pa mucha na tur skol na Boneiru.<\/p>\n

Di man robes bai man drechi: Heleen Christiaan-Quartel, gerente di entrenamentu i desaroyo na Mangazina di Rei huntu ku Marco de Souza, direktor di Fundashon Orkesta pa Mucha Hulanda.<\/p>\n

\"\"<\/p>\n<\/div><\/div>