Na skol básiko

Den e promé fase piloto lo krea un Orkesta pa Mucha na Kolegio San Luis Bertran. E skol aki ta e úniko skol básiko na Rincon i tin alrededor di 150 alumno. Kolegio San Luis Bertran ta un di e 4 skolnan ku direktiva di skolnan Katóliko Boneiru ta manehá.
Ta e intenshon pa despues di e programa piloto kuminsá ku Orkesta pa Mucha na e otro skolnan na Boneiru tambe.

Na Boneiru tin dos direktiva di skol, Direktiva di Skolnan Katóliko Boneiru i Fundashon Enseñansa Públiko Boneiru.

Direktiva di Skolnan Katóliko tin 4 skol bou di nan maneho; Kolegio San Luis Bertran, Kolegio San Bernardo, Skol Amplio Papa Cornes i Kolegio Kristo Bon Wardador. Fundashon Enseñansa Públiko Boneiru ta manehá dos skol básiko; Kolegio Strea Briante i Kolegio Rayo di solo. Banda di esei tin 2 skol independiente, skol básiko De Pelikaan i skol básiko Aquamarin.
Ta trata di un total alrededor di 1500 alumno ku ta bishitá e skolnan básiko aki.