Dennis Aalse
Dirigente, dosente di muzik pa trombon, korneta i klarinèt

Dennis Aalse a studia muzik klásiko i jazz na Sweelinck Conservatorium na Amsterdam i terapia musikal na Hogeschool Utrecht. Dennis ta músiko, kompositor, areglista i dosente di muzik. E ta toka tròmpèt, trombon, tuba, korneta, klarinèt i piano. E ta fundadó di Dennis Aalse Big Band i orkesta hubenil DAYO na Kòrsou. Fuera di esei e ta direktor musikal di Fundashon Musitutti Producties i e banda di mucha 3MGN (Dreamgene). Ademas e ta enbolbí den e Orkesta pa Mucha na Kòrsou komo dosente. Dennis ta bini Boneiru tur djaluna pa duna lès na e Orkesta pa Mucha.

Chaira Borderslee
Lider artístiko i dosente di kanto

Chaira Borderslee ta un kantante hulandes, aktris i bailarina di desendensia boneriano. Chaira a kuminsá su karera komo strea di musikal, kaminda el a interpretá diferente ròl. Su salto na fama a yega na 2001, ora ku el a interpretá e papel prinsipal den e musikal Aida. Ku sinku aña Chaira a kuminsa kanta. E tabata kanta den e kor antiano pa mucha Zjozjoli, huntu ku Zjozjoli el a graba album i pelíkula pa mucha. El a hasi preparashon básiko (vooropleiding) na Nel Roos Ballet Academie i despues e preparashon básiko i estudio di HBO Showmusical na Amsterdamse Dansacademie Lucia Marthas. For di 2 aña pasá Chaira a regresá Boneiru i gustosamente ku traha pa i ku e muchanan boneriano i lanta nan interes pa materianan musikal.

Victor Felida
Dosente di muzik pa tròmpèt

Victor Felida tin añanan di eksperensia komo dosente di muzik na Kòrsou, na Fundashon Arte i Kultura na Boneiru i na Talento Kultural na Mangazina di Rei na Boneiru. Victor tin pashon pa muzik i ku hopi plaser ku pasa esaki pa hubentut. E ta dominá diferente instrumènt, pero ta presentá regularmente tokando su tròmpèt.

Frankie Yanga
Dosente di muzik pa (kontra) bas

Frankie Yanga a gradua na ‘Musicians Institute of Hollywood California’ na 1990 komo bahista profeshonal i dosente di muzik. Regularmente Frankie ta presentá na diferente festival, den banda, pero tambe komo solista. Frankie ta ansioso pa kompartí su konosementu i estudio musikal ku e muchanan di Boneiru.

Gonsalvo Goeloe
Dosente di muzik pa perkushon

Gonsalvo Goeloe ta un perkushonista eksperensiá ku ta toka den diferente banda lokal. E ta dominá wiri, barí, konga, drùm, raspu, maraka i kampana. Tambe e tin añanan di eksperensia ku duna tayer di muzik na mucha i turista na Mangazina di Rei i e ta un di e dosentenan di muzik di Talento Kultural na Mangazina di Rei. Gonsalvo tin kurason pa mucha i e ke pasa tur loke e sa i por na e generashon aktual.

Vivian Wensink
Dosente di muzik pa duarsflùit

Ku 13 aña Vivian Wensink a kuminsá siña toka duarsflùit i el a haña lès na e skol di muzik na Bergen op Zoom. Tambe el a toka años den Harmonie Amicitia huntu ku su ruman hòmber i su ruman muhé.

Durante di su estudio di formashon di dosente (lerarenopleiding) duarsflùit tabata hopi útil. Na 2004 el a muda pa Boneiru pa duna lès. E tabata usa su flùit durante di e lèsnan di muzik, pasobra toka ku otro persona nunka no tabata sosodé. Te dos aña pasá, ora ku Saxomania (un grupo di saksofon) tabata buska músiko pa un konsierto di Pasku. El a toka huntu ku nan riba su duarsflùit i tambe el a kuminsá toka alt saksofon. Vivian ta haña e dunamentu di lès na Orkesta pa Mucha un oportunidat úniko pa kombiná su hòbi ku su materia, duna mucha lès.

Futuro

Pa por ekspandé no mester di solamente klas,skol i mucha, pero mas instrumènt tambe i pa motibu di esei mas dosente di muzik.

Duna lès unu unu na un mucha òf toka naturalmente ta algu kompletamente diferente ku duna muchanan den un klas lès simultaniamente.

Fundashon Orkesta pa Mucha Aruba ta investigá posibilidatnan pa krea un estudio spesialisá, ku por brinda músikonan di tur tres isla e oportunidat pa bai sigui un estudio,pa asina pa medio di un trayekto di siña i traha por duna lès segun e método di Orkesta pa Mucha.

Tur persona ku ta toka un instrumènt orkestral i tin interes pa trapasá esaki pa mucha ta bon biní pa tuma kontakto pa deliberá e posibilidatnan pa por bira un dosente di muzik di orkesta pa mucha den futuro.