Instrumèntnan

Pronto e muchanan lo haña lès riba instrumèntnan sinfóniko manera tròmpèt, tronbon, klarinèt, korneta, duarsflùit, kontrabas i perkushon.

Hopi di e instrumèntnan aki no ta disponibel riba e isla, òf ta muchu karu pa kumpra.

Afortunadamente Orkesta pa Mucha Hulanda ta yuda e programa piloto na Boneiru ku instrumèntnan musikal di kua Instrumentendepot Leerorkest Nederland ta entregá nan.

Den un siguiente proyekto nos tin hopi gana di kuminsá ku lèsnan di fió, chèlo, harpa i hobo. Pa esaki nos ta buska patrosinadónan i èkstra dosentenan di muzik ku ta toka e instrumèntnan aki.

Tambe nos ta bai komplementá e orkesta pa mucha ku instrumèntnan lokal. Di e manera aki nos Orkesta pa Mucha na Boneiru ta haña su propio zonido karibense.