Sostené Orkesta pa Mucha Boneiru

Pa medio di bo sosten i yudansa e muchanan na Boneiru por siña toka un instrumènt, den nan mes klas na nan propio skol.

Pa medio di esaki nan ta siña traha huntu mas mihó, ser mas kreativo i oumentá nan balor propio. Benefisionan di toka den un orkesta pa mucha ta infinito, pero nos mester di bo yudansa!

Kon bo por yuda pa sigui ekspandé e Orkesta pa Mucha na Boneiru?

1. Bo ta un músiko òf bo ta toka un instrumènt orkestral i bo lo haña interesante pa traspasá esaki pa e muchanan?
2. Bo tin un instrumènt ku ya bo no ta usa mas i bo ta deseá di duna esaki na nos proyekto?
3. Òf bo ta desea di duna un kontribushon den forma di un montante di sèn?

Tuma kontakto ku nos. Masha danki!